Ukraina bosh shtabi: Rossiya besh yo‘nalishda hujum qilmoqda

Ukraina prezidenti Volodimir Zelenskiyning so‘zlariga ko‘ra, Rossiyaning «frontning turli yo‘nalishlarida bosimi kuchaygan», Donetsk viloyatida esa «qattiq janglar» ketmoqda.

Avvalroq Financial Times gazetasi Ukraina armiyasining ismini oshkor etmagan maslahatchisiga tayanib, Kiyev 10 kun ichida sodir bo‘lishi mumkin bo‘lgan yangi keng ko‘lamli hujumni boshlash bo‘yicha «Rossiya niyatlari haqida juda ishonchli ma’lumot» olgani haqida xabar bergan edi.

Rossiya Ukrainada yangi yirik hujumga tayyorlanmoqda, uni yaqin kelajakda kutish mumkin. Bu haqda 3 fevral kuni «Novaya gazeta. Yevropa» o‘zi suhbatlashgan ekspertlar, shuningdek, Rossiya qo‘shinlari guruhining Ukrainadagi shtabida bo‘lgan manbaga tayanib xabar berdi. 

Uning so‘zlariga ko‘ra, generallar oliy harbiy-siyosiy rahbariyatning injiqligini qondirish uchun «o‘n minglab rossiyalik harbiy xizmatchilarni ishga solishga» tayyor.

Yangi hujumning hech qanday aniq xavfi hisobga olinmayapti, dedi manba. «Ukrainaliklar bizning barcha harakatlarimiz haqida G‘arb razvedka idoralaridan mutlaqo aniq ma’lumotlarni olishadi», dedi u. 

Bunday sharoitda, deya ta’kidladi shtab zobiti, «ma’lum bir hududda HIMARS va uzoq masofali artilleriya zarbalariga ta’sir qilmasdan turib, yetarli miqdordagi kuchlarni to‘plash mumkin emas».