Qoʻshimcha funksionallar
-
Tungi ko‘rinish
Putin o‘z samolyotida yuz bergan favqulodda vaziyat haqida gapirdi
Rossiya prezidenti samolyot dvigateliga qush urilgani, shundan so‘ng u to‘xtab qolgani haqida aytdi.
Foto: kremlin.ru
Vladimir Putin aviatsiya sohasi vakillari bilan uchrashuvda prezident samolyotining ikki dvigatelidan biriga parvoz vaqtida qush urilganini aytib berdi. Uning so‘zlarini RIA Novosti keltirdi.
«Qush urildi va bitta dvigatel o‘chib qoldi. Men kema komandiridan «Nima qilamiz?» deb so‘radim. U esa: «Amallaymiz», dedi. «Balki orqaga qaytib, yerga qo‘narmiz?» dedim. Oxir-oqibat, oraliq aerodromga qo‘ndik», dedi Putin.
Putin bu holat bir necha bor sodir bo‘lganini va har doim xavfsizlikni tanlash kerakligini ta’kidladi.
Shuningdek, u vertolyot uchuvchisi quyuq tuman tufayli parvoz qilishni rad etganini aytdi. «Men kema komandiriman va qarorni o‘zim qabul qilaman. Men uchmayman», deganini esladi prezident.
«Sizlarning qo‘lingizda nafaqat o‘z hayotingiz, balki o‘nlab odamlar hayoti turadi», dedi Putin aviatsiya sohasi vakillariga.
Mavzuga oid
08:10
Apple BBC, The Insider va "Exa Moskvy" podkastlarini Rossiyada yashirib qo‘ydi
22:30 / 14.11.2024
Putin Rossiyada YouTube faoliyati sekinlashgani bilan «shug‘ullanishga» va’da berdi
19:27 / 14.11.2024
O‘zbekistondagi mehmonxonada vafot etgan rossiyalik jurnalist qonida is gazi izlari topildi – OAV
15:42 / 14.11.2024