AQSh Kiyev uchun 522 million dollarlik o‘q-dorilarga buyurtma berdi

AQSh hukumati Ukraina armiyasi uchun 522 million dollar (486 million yevro) miqdorida artilleriya o‘q-dorilarini ishlab chiqarishga buyurtma berdi, deb xabar qildi seshanba, 14 fevral kuni AQSh Qurolli kuchlari matbuot xizmati. 

Ta’kidlanishicha, ushbu buyurtma ikkita mudofaa konserniga topshirilgan: Northrop Grumman Systems va Global Military Producs. Ushbu shartnoma bo‘yicha ishlab chiqarilgan o‘q-dorilarning birinchi partiyasi mart oyida yetkazib berilishi kerak. 

Avvalroq, 13 fevral kuni NATO bosh kotibi Yyens Stoltenberg Ukraina armiyasi hozirda G‘arbda ishlab chiqarilishi mumkin bo‘lgan o‘q-dorilarni sezilarli darajada ko‘proq ishlatayotganini ma’lum qilgandi. «Ukraina armiyasida o‘q-dorilarni ishlatishning hozirgi darajasi bizning ishlab chiqarish ko‘rsatkichlarimizdan bir necha baravar yuqori. Bu bizning mudofaa sanoatimizga bosim o‘tkazmoqda. Shuning uchun ishlab chiqarishni ko‘paytirish va ishlab chiqarish quvvatiga sarmoya kiritish kerak», - dedi u.

Myunxendagi Bundesver universitetining xavfsizlik bo‘yicha eksperti Frank Zauer ham DW nashriga bergan intervyusida havo hujumidan mudofaa tizimlari va jangovar tanklar kabi muhokama qilinadigan mavzular oldidan Ukrainada o‘q-dorilar yetishmasligini «hozirgi asosiy muammo» deb bilishini ta’kidladi.