Ukrainadagi urushdan jahon iqtisodiyotiga yetkazilgan zarar hisoblab chiqildi

2022 yilda jahon ishlab chiqarishi 1,6 trillion dollarga qisqardi, deb yozadi Rheinische Post Nemis iqtisodiyot instituti ma’lumotlariga tayanib. Tahlilchilar inflatsiya va energiya narxlarining o‘sishini qayd etdi.

Foto: FTWP

Rossiyaning Ukrainaga qarshi urushi jahon iqtisodiyotiga faqat 2022 yilda 1,6 trillion dollardan (1,5 trillion yevro) ko‘proq zarar keltirdi. Bunday ma’lumotlarni 21 fevral, seshanba kuni Rheinische Post nashri Germaniya iqtisodiyot institutining ().) tahririyatga taqdim etgan hisobotiga tayanib e’lon qildi. Iqtisodchilarning fikricha, aynan shu miqdorga jahon ishlab chiqarish hajmi kamaydi. Joriy yilda jahon iqtisodiyotining yo‘qotishlari yana 1 trillion dollarga (940 milliard yevro) oshishi mumkin.

Urush butun dunyo bo‘ylab ta’minot zanjirlarini buzdi va energiya narxini keskin oshirdi, deyiladi hisobotda. Bundan tashqari, inflatsiyaning o‘sishi iste’molchilarning xarid qobiliyatini pasaytirdi, deyiladi ma’lumotda.

IW ekspertlari o‘z hisob-kitoblarida Xalqaro valuta jamg‘armasining kuzgi prognozlarini asos qilib oldi. Shu bilan birga, 2023 yilda mutlaq yo‘qotishlar o‘tgan yilga nisbatan past bo‘lishi mumkin, deya tan oladi iqtisodchilar. Ular jahon tovar va energiya bozorlaridagi keskinlik pasayishini kutmoqda.