Farg‘ona va Andijonda Tojikistonda yuz bergan zilzila kuchi sezildi. Bu haqda FVV Seysmoprognostik monitoring Respublika markazi xabar qilmoqda.
23 fevral kuni Toshkent vaqti bilan soat 16:24 da Tojikistonda zilzila sodir bo‘ldi. Zilzila koordinatalari: 38,2 gradus shimoliy kenglik; 73 gradus sharqiy uzunlik.
Magnituda M=5. Chuqurlik 10 km. Zilzila episentri Toshkentdan 470 km janubi-sharqda.
O‘zbekiston Respublikasi hududida sezilish kuchi:
- Farg‘ona viloyatida 2 ball, 264 km;
- Andijon viloyatida 2 ball, 292 km.
Bundan oldin ham Tojikistonda yuz bergan zilzila O‘zbekistonning deyarli barcha hududida sezilgandi.
Tojikistonda 23 fevral kuni Toshkent vaqti bilan soat 05:37 da sodir bo‘lgan zilzila O‘zbekistonning vodiy viloyatlarida 4 ballgacha, qolgan viloyatlarda 3 ballgacha sezildi. Tojikistonda 4,5 va 4,2 magnitudali yana 4 ta aftershok qayd etildi.