Buyuk Britaniya Rossiyaga nisbatan sanksiyalarni kengaytirdi

Cheklov choralari, London ma’lumotlariga ko‘ra, «Rosatom» va «Gazprom» bilan bog‘liq bo‘lgan Rossiya Federatsiyasi fuqarolariga nisbatan joriy etilgan.

Avvalroq Buyuk Britaniya hukumati Ukrainaga qarshi urush uchun Rossiyaga qarshi yangi sanksiyalar kiritilishini e’lon qilgandi. 

Tashqi ishlar vaziri Jyeyms Kleverlining so‘zlariga ko‘ra, jazo choralari «Rossiya prezidenti Vladimir Putin harbiylari tayanadigan shaxslar va tashkilotlarga qaratilgan bo‘lib, Rossiyaga iqtisodiy bosimni tezlashtirish, uning harbiy mashinasiga putur yetkazish va Ukrainaning g‘alaba qozonishiga yordam berish uchun mo‘ljallangan». 

Gap harbiy mahsulotlar ishlab chiqaruvchi oltita kompaniya, bitta tashkilot va Rossiya Federatsiyasining sakkiz fuqarosi haqida bormoqda.