08:22 / 27.02.2023
10649

Ekspert: Leopard tanklarining uchdan bir qismidan kamrog‘i jangga tayyor

Bundesver harbiy xizmatchilari ittifoqi rahbarining so‘zlariga ko‘ra, armiyani qayta qurollantirishni tezlashtirish kerak. Germaniya sanoatining ommaviy ishlab chiqarishga qaytishi uchun strategik rejalashtirish zarur, dedi Vyustner.

Foto: U.S. Army

Bundesver ixtiyoridagi 300 ga yaqin Leopard tanklarining atigi 30 foizi jangovar tayyor holatda. Bu haqda 26 fevral, yakshanba kuni Bild am Sonntag nashriga bergan intervyusida Bundesver harbiy xizmatchilari ittifoqi (DBwV) rahbari Andre Vyustner ma’lum qildi.

Vyustner Germaniya zaxiralaridan Ukrainaga qurol-yarog‘ o‘tkazilishiga izoh berdi. «Bu hali ham juda sekin qilinyapti», dedi u. Bundesver harbiy xizmatchilari ittifoqi rahbarining so‘zlariga ko‘ra, Bundesver 2022 yilda qurilmalar Ukrainaga topshirilgandan keyin hali bitta ham o‘ziyurar gaubitsaga buyurtma bermagan, «ular uchun yangi ehtiyot qismlar to‘plamini aytmasa ham bo‘ladi». Qolgan o‘ziyurar qurollarning bir nechtasi yo‘q qilindi, artilleriya kuchlarining moddiy tayyorgarligi pasayishda davom etmoqda. Vyustnerning eslatishicha, Berlin Kiyevga 18 ta Leopard 2 jangovar tankini yubormoqda va Bundesver ularning o‘rnini bosuvchi tankka ham buyurtma qilishi kerak.

Nashr suhbatdoshi strategik rejalashtirish zarurligiga ishonch bildirdi, u Yevropa darajasida muvofiqlashtiriladi va Germaniyadagi sanoatni ommaviy ishlab chiqarishga qaytarish imkonini beradi. Sanoat sektori Bundesverga ikki yildan besh yilgacha qancha jangovar tanklar, o‘q-dorilar va qurollar kerakligini oldindan bilishi va ularni xarid qilish uchun kafolat olishi kerak, dedi DBwV rahbari. Har oy konveyerdan uch emas, o‘nta «Leopard» tanki chiqib ketishi mumkin», deb ishonadi mutaxassis.

Mavzu
Rossiya-Ukraina urushi
2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.
Barchasi
Mavzuga oid
Top