O‘zbekistonning AQShdagi elchisi o‘zgarmoqda
Tashqi ishlar vaziri birinchi o‘rinbosari Furqat Siddiqov O‘zbekistonning AQShdagi yangi elchisiga aylanadi. 2017 yildan buyon AQShdagi diplomatik missiyani boshqarib kelgan Javlon Vahobov TIVga ishga kelishi kutilmoqda.
![](https://storage.kun.uz/source/9/lXB-x7MWisWqOSs7ijOgbWz1QRvnVK4y.jpg)
Foto: fb.com/furqatbek.akhmedsidiq.9
3 mart kuni Oliy Majlis Senati O‘zbekistonning AQShdagi elchisi lavozimiga Furqat Siddiqov nomzodini ma’qulladi. Bu ma’lumotni parlamentning yuqori palatasidagi manbasi Kun.uz’ga tasdiqladi.
Furqat Siddiqov 1971 yil 7 fevralda Toshkentda tug‘ilgan. 1993 yilda Toshkent davlat texnika universitetini tamomlagan. UzDaewoo Electronics QKda bosh mutaxassis (1993−1995), Prezident huzuridagi Strategik va mintaqaviy tadqiqotlar institutida xodim, katta ilmiy xodim, yetakchi ilmiy xodim (1995−2002, 2007−2011) lavozimlarida ishlagan.
Shuningdek, O‘zbekistonning AQShdagi elchixonasida attashe (2002−2007), ushbu elchixonaning birinchi kotibi (2011−2015), O‘zbekistonning Pokistondagi elchisi (2015−2020) lavozimlarida ishlagan.
Furqat Siddiqov 2020 yil mayda O‘zbekiston tashqi ishlar vaziri o‘rinbosari bo‘lgan, 2022 yil noyabridan tashqi ishlar vazirining birinchi o‘rinbosari lavozimida ishlab kelayotgandi.
- Ma’lumot uchun, 2017 yildan buyon O‘zbekistonning AQShdagi diplomatik missiyasini Javlon Vahobov boshqarib kelmoqda. «Gazeta.uz» manbasiga ko‘ra, u endi tashqi ishlar vazirining birinchi o‘rinbosari lavozimiga qaytarilishi (u 2013-2015 yillarda TIV rahbari o‘rinbosari, 2015-2017 yillarda birinchi o‘rinbosar lavozimida ishlagan) kutilmoqda.
Mavzuga oid
![](https://storage.kun.uz/source/thumbnails/_medium/10/ImsXtO2ZuRNWKEIgCZn0QchDLBLUkyvg_medium.jpg)
20:40 / 30.12.2023
Javlon Vahobov Markaziy Osiyo xalqaro institutiga direktor etib tayinlandi
![](https://storage.kun.uz/source/thumbnails/_medium/10/xaeykr8ETnczHv-oXRhf-d9Uprb5B5Xt_medium.jpg)
09:18 / 09.11.2023
O‘zbekistonning AQShdagi elchisi o‘rindoshlik asosida Kanadadagi elchi etib tayinlandi
![](https://storage.kun.uz/source/thumbnails/_medium/9/F-SB_olbN2O-h41OGziiOPcaNJQRCIXO_medium.jpg)
09:10 / 02.05.2023
Furqat Siddiqov Jo Baydenga ishonch yorlig‘ini topshirdi
![](https://storage.kun.uz/source/thumbnails/_medium/9/W64-LUYe9Jb0q9jOe1BWXsuiwdUK8jnV_medium.jpg)
10:10 / 04.04.2023