O‘zbekiston | 07:40 / 11.03.2023
18524
2 daqiqa o‘qiladi

Shuhrat Xudoyqulov Uzbekistan Airways boshqaruvi raisi etib tayinlandi

Uzbekistan Airways yagona aksioneri – O‘zbekiston prezidenti huzuridagi Strategik islohotlar agentligi qaroriga ko‘ra, joriy yilning 10 mart kuni Shuhrat Xudoyqulov Uzbekistan Airways boshqaruvi raisi etib tayinlandi.

Shuhrat Xudoyqulov / Foto: Uzbekistan Airways

Shuhrat Xudoyqulov 1984 yil 26 iyul kuni Urganch shahrida tavallud topgan. Sankt-Peterburg davlat fuqaro aviatsiyasi universitetining «Aviatsiya tashuvlarini tashkil etish» mutaxassisligini tamomlagan. 

U 2006 yil «O‘zbekiston havo yo‘llari» MAK jamoasiga kelib qo‘shilgan va o‘z faoliyatini «Toshkent» xalqaro aeroportining aviatashuvlarini tashkil etish agenti sifatida boshlagan. 2006-2019 yillar oralig‘ida «O‘zbekiston havo yo‘llari» MAKda turli lavozimlarda, jumladan aviakompaniyaning xorijdagi vakolatxonalari, milliy aviakompaniyaning sotuvlar departamenti direktori sifatida faoliyat yuritgan. 

2019 yildan Uzbekistan Airways'da tijorat va turizm bo‘yicha boshqaruv raisi o‘rinbosari lavozimida faoliyat yuritgan.

2021 yil fevral oyidan buyon Uzbekistan Airways boshqaruvi raisi lavozimini transport vaziri Ilhom Mahkamov egallab kelayotgan edi, u bilan 2022 yil oktyabr oyida mehnat shartnomasi uch yilga uzaytirilgan edi.

 

Mavzuga oid