Qoʻshimcha funksionallar
-
Tungi ko‘rinish
2026 yildan Uzbekistan Airways va Uzbekistan Airports nosohaviy xarajatlarni moliyalashtirmaydi
Prezident Shavkat Mirziyoyev 2 fevral kuni aviatsiya sohasida transformatsiya jarayonlari bo‘yicha taqdimot bilan tanishdi. Unga ko‘ra, 2026 yildan boshlab Uzbekistan Airways va Uzbekistan Airports aksiyadorlik jamiyatlari tomonidan nosohaviy faoliyatni moliyalashtirish to‘xtatiladi.
Taqdimotda fuqaro aviatsiyasi korxonalari faoliyati samaradorligini oshirish va moliyaviy barqarorlikni ta’minlash masalalariga alohida e’tibor qaratildi. Xarajatlarni qisqartirish, resurslardan oqilona foydalanish hamda asosiy faoliyat turiga xos bo‘lmagan xizmatlarni autsorsingga o‘tkazish bo‘yicha kompleks chora-tadbirlar belgilab berildi.
Ma’lum qilinishicha, 2026 yildan boshlab Uzbekistan Airways va Uzbekistan Airports tomonidan nosohaviy yo‘nalishlarni moliyalashtirish amaliyoti bekor qilinadi. Korxonalar o‘z faoliyatini mos ravishda 16 va 18 ta ustuvor vazifa asosida tashkil etadi.
Ustuvor yo‘nalishlar qatorida xizmatlar sifatini oshirish orqali raqobatbardoshlikni mustahkamlash, xizmat va mahsulot tannarxini hisoblashda maqbul metodologiyalarni joriy etish, ishlab chiqarish jarayonlarini raqamlashtirish, kadrlar tayyorlash va malakasini oshirish vazifalari belgilangan.
Shuningdek, transformatsiya doirasida tashkiliy tuzilmalarni qayta ko‘rib chiqish, shtat birliklarini maqbullashtirish, xalqaro kredit reytinglarini oshirish, IPO'ga chiqish va korporativ xalqaro obligatsiyalarni joylashtirish bo‘yicha chora-tadbirlar amalga oshirilishi rejalashtirilgan.
Yig‘ilish yakunida mutasaddilarga belgilangan vazifalarni amalga oshirish yuzasidan tegishli topshiriqlar berildi.
Mavzuga oid
09:45
Uranni qayta ishlash quvvatlarini oshirish choralari belgilandi
09:33
Ko‘mir qazib olishda xususiy sektor ishtirokini kengaytirish rejalashtirilmoqda
09:04
Aviatsiya kadrlari tayyorlash tizimi yangilanadi: universitet va texnikum tashkil etiladi
21:31 / 02.02.2026