17:30 / 18.03.2023
9745

Shavkat Mirziyoyev Toshkentdagi ko‘p tarmoqli tibbiyot markazini borib ko‘rdi

Foto: Prezident matbuot xizmati

Prezident Shavkat Mirziyoyev Toshkent shahridagi M-Clinic ko‘p tarmoqli tibbiyot markazini borib ko‘rdi.

Davlat rahbari matbuot xizmati xabariga ko‘ra, 202 million dollarlik loyiha evaziga 6 ta bino bunyod etilib, zamonaviy sharoitlar yaratilgan. Tibbiy texnologiyalar Germaniyaning KBV GmbH & Co. KG kompaniyasi tomonidan loyihalashtirilgan.

Muassasada kattalar uchun 95 ta va bolalar uchun 33 ta statsionar o‘rin, 1 ming 400 ta qatnovga mo‘ljallangan poliklinika tashkil etilgan. Ular yaqin oylarda ishga tushiriladi. Umuman, tibbiyot markazida 50 ta tor mutaxassislik bo‘yicha xizmat ko‘rsatish yo‘lga qo‘yiladi.

Markazda kardiologiya, angiografiya, travmatologiya, neyroxirurgiya, ginekologiya va urologiya bo‘yicha 5 ta jarrohlik xonasi bo‘ladi. Ularda yiliga 5 mingta yuqori texnologiyali operatsiyalarni amalga oshirish mumkin. Ilg‘or uskunalar kam kesish va tez reabilitatsiya qilish imkonini beradi.

Davlat rahbari bu sharoitlar bilan tanishdi. Markazni muayyan yo‘nalishlar bo‘yicha tayanch muassasaga aylantirish, bu yerdagi tajriba asosida shifokorlar malakasini oshirish bo‘yicha mutasaddilarga ko‘rsatmalar berdi.

Mavzuga oid
Top