Beeline Uzbekistan mamlakatni yanada yashilroq qiladi

Beeline Uzbekistan mamlakatda faoliyatini boshlaganidan beri “yashil” aksiyalarda qatnashib keladi. Shu bois, 2021-yildan boshlab, ya’ni umummilliy “Yashil Makon” loyihasi ishga tushirilgandan so‘ng, operator uni amalga oshirishda ishtirok etmoqda. Bu nafaqat mavjud tashabbuslarni qo‘llab-quvvatlash, balki O‘zbekiston xalqi manfaatlari yo‘lidagi faol harakatlardir.

Poytaxtdagi 255-maktabda o‘tkazilgan aksiya ta’lim muassasasi rahbariyatining so‘roviga binoan o‘tkazildi. “Beeline”ning 70 dan ortiq xodimlari o‘qituvchilar va maktab o‘quvchilari bilan birgalikda 160 tup daraxt va 40 tup ko‘chat ekish uchun kelishdi. Maktab bog‘i hududdagi eng yashil bog‘ bo‘ladi!

“Unitel” MChJ 2006-yilning 12-sentabridan boshlab “Beeline Uzbekistan” savdo belgisi ostida xizmatlar ko‘rsatib kelmoqda. Beeline Uzbekistan bosh qarorgohi Amsterdam shahrida (Niderlandiya) joylashgan VEON xalqaro telekommunikatsiya xoldingi tarkibiga kiradi

VEON 7 mamlakatda 200 milliondan ortiq foydalanuvchilarga ega global telekommunikatsiya va internet xizmatlarining provayderi. Uning aksiyalari NASDAQ va Euronext Amsterdam fond bozorlarida joylashtirilgan.

Beeline Uzbekistan’da 1.6 mingga yaqin xodim ishlaydi. 2006-yildan buyon O‘zbekiston bozoriga kirishi bilan VEON mamlakat telekommunikatsiya sohasiga 1.4 milliard AQSH dollaridan ortiq sarmoya kiritdi. Beeline SB’ning O‘zbekistondagi faoliyati davomida 1.9 milliard dollardan ortiq soliq to‘langan.

Sayt: beeline.uz

Facebook: fb.com/beeline.uz

Instagram: @beeline_uzbekistan

Telegram: t.me/beelineuzbekistan

Twitter: twitter.com/beeline_uz

LinkedIn: linkedin.com/company/beeline-uzbekistan/