Beeline Uzbekistan sun’iy intellekt xizmatlari uchun cheksiz internetli birinchi tarifni taqdim etdi

Trafik hisoblanmaydigan resurslar ro‘yxatida ChatGPT, Claude, Perplexity, DeepSeek va boshqa xizmatlarning veb-saytlari hamda mobil ilovalari mavjud. Yangi tarif zamonaviy texnologiyalardan o‘qish, ish, ijodiy faoliyat va o‘zini rivojlantirishda faol foydalanadiganlar uchun ishlab chiqilgan.

bAIram tarifining ishga tushirilishi O‘zbekistonda foydalanuvchilarning raqamli odatlaridagi o‘zgarishlar va sun’iy intellekt (SI) hamda neyrotarmoq texnologiyalariga qiziqishning ortishiga javob bo‘ldi. Masalan, ChatGPT mamlakatdagi eng ko‘p yuklab olingan ilovalar uchligiga kirdi: Google Playʼda birinchi, App Store’da esa ikkinchi o‘rinda*. SI vositalari nafaqat ish jarayonida, balki shaxsiy hayotdagi kundalik vazifalarda ham faol qo‘llanmoqda. Beeline Uzbekistan sun’iy intellekt texnologiyalarini o‘z faoliyatida ham qo‘llaydi: neyrotarmoqlar tarmoq yuklamasini modellashtirish va yangi baza stansiyalarini o‘rnatish uchun optimal joylarni tanlashda ishlatiladi.

SI yechimlari tobora ko‘proq kundalik ishlarni avtomatlashtirish, ma’lumot izlash, matn yaratish, ma’lumotlarni tahlil qilish va shaxsiy unumdorlikni oshirish uchun ishlatilmoqda. Global SI platformalariga kirish imkoniyatining kengayishi hamda neyrotarmoq yechimlaridan foydalanuvchilar sonining ortishi raqamli iste’molning yangi turini shakllantirmoqda.

“Biz sun’iy intellekt texnologiyalari kundalik hayotning bir qismiga aylanganini kuzatyapmiz — odamlar undan o‘qish, ish, muloqot va rivojlanish uchun foydalanmoqda. SI endi yangilik emas: bu real vosita, undan foydalanish esa oddiy va hamyonbop bo‘lishi kerak. Tarmog‘imizda sun’iy intellekt xizmatlariga to‘g‘ri keladigan trafik ulushi tobora o‘sib borayotganiga guvoh bo‘lmoqdamiz. Shuning uchun biz bAIram tarifini taqdim etdik — har bir foydalanuvchi SIdan hech qanday cheklovlarsiz va ortiqcha xarajatlarsiz foydalana olishi uchun. Biz ilg‘or texnologiyalarni O‘zbekistonning har bir aholisiga taqdim etishni maqsad qilganmiz”, - dedi Beeline Uzbekistan tijorat direktori Maksim Yefremov.

Statistika bu tendensiyani tasdiqlaydi: 2025 yil iyun oyida ChatGPT O‘zbekistonda eng mashhur veb-saytlar orasida uchinchi o‘rinni egalladi, yil davomida tashriflar soni 1200 foizdan ortiq o‘sib, 7,17 millionga yetdi**. Shuningdek, mamlakatdagi ishchi mutaxassislarning 64 foizi SI vositalaridan foydalanadi, ulardan 22 foizi esa ularni har kungi vazifalarining bir qismi sifatida qo‘llaydi***. Bunday sharoitda SI resurslaridan trafik cheklovisiz foydalanishga imkon beruvchi qulay va tejamkor yechimlarga talab oshmoqda.

bAIram tarifi to‘lovi oyiga 60 000 so‘m bo‘lib, 60 GB internet-trafik, tarmoq ichida cheksiz qo‘ng‘iroqlar, shuningdek, Instagram va Facebook uchun cheksiz internetni o‘z ichiga oladi. Paket tarkibida KINOM, Setanta Spors va  riitm raqamli xizmatlariga obunalar mavjud. Bundan tashqari, Beepul ilovasi orqali oyiga 20 million so‘mgacha komissiyasiz pul o‘tkazmalari amalga oshirish mumkin. bAIram tarifiga bepul o‘tish oylik to‘lovi bAIram tarifiga teng yoki undan past bo‘lgan Multi Plus, Bemalol, Erkin, Yana bitta, Hammasi ZO‘R 1, Yashin va boshqa tariflardan amalga oshirish mumkin.

Beeline Uzbekistan trafik hisoblanmaydigan SI resurslari ro‘yxatini kengaytirishni rejalashtirmoqda. Shuningdek, kompaniya har bir foydalanuvchi eng maqbul taklifni tanlashi uchun boshqa tarif rejalariga ham bunday imkoniyatni joriy etishni rejalashtirmoqda.

*similarweb ma’lumotlariga ko‘ra

**SEMrush ma’lumotlariga ko‘ra

***HeadHunter ma’lumotlariga ko‘ra

Beeline Uzbekistan haqida

“Unitel” MChJ 2006 yilning 12 sentabridan boshlab “Beeline Uzbekistan” savdo belgisi ostida xizmatlar ko‘rsatib kelmoqda. Beeline Uzbekistan bosh qarorgohi Dubay shahrida joylashgan VEON xalqaro telekommunikatsiya holdingi tarkibiga kiradi. 2024 va 2025 yillarda “Top Employer” maqomiga ega bo‘ldi.

VEON 6 mamlakatda 160 milliondan ortiq foydalanuvchilarga ega global telekommunikatsiya va internet xizmatlarining provayderi. Uning aksiyalari NASDAQ fond bozorida joylashtirilgan.

Beeline Uzbekistanʼda 2 mingga yaqin xodim ishlaydi. 2006 yildan buyon O‘zbekiston bozoriga kirishi bilan VEON mamlakat telekommunikatsiya sohasiga 1.4 milliard AQSh dollaridan ortiq sarmoya kiritdi. Beeline savdo belgisining O‘zbekistondagi faoliyati davomida 2 milliard dollarga yaqin soliq to‘langan.

  Beeline.uz | Facebook | Instagram | Telegram | Twitter |LinkedIn