Beeline Uzbekistan Ookla tomonidan mobil qurilmadan video tomosha qilish bo‘yicha eng yaxshi operator deb tan olindi

Ookla hisobotlari Speedtest ilovasi orqali doimiy va mobil foydalanuvchilar tomonidan har kuni o‘tkaziladigan millionlab testlarga asoslanadi. Kompaniya, shuningdek, tarmoq sifati, signal kuchi, video uzatish, o‘yinlar va veb sahifalarni ochishda real sharoitlarda tarmoq ishlashini aks ettiruvchi milliardlab fon o‘lchovlarini qayta ishlaydi. Ushbu keng qamrovli tahlil har bir bozorda aloqa sifatining obektiv suratini shakllantiradi hamda milliy operatorlar reytingi va nufuzli Speedtest Awards mukofoti uchun asos bo‘lib xizmat qiladi.

O‘zbekiston Respublikasida yilning birinchi yarmida Beeline Uzbekistan foydalanuvchilarning mobil qurilmalarda videoni ijro etish sifati va tezligi bo‘yicha yetakchilikni namoyish etdi. Hisobotga muvofiq, Beeline Uzbekistan mamlakatdagi mobil operatorlar orasida eng yuqori video striming ko‘rsatkichiga erishib, 69,56 ball to‘pladi.

"Eng sifatli mobil video" nominatsiyasi – Ookla reytingidagi asosiy yo‘nalishlardan biri. Videokontent telekommunikatsiya kompaniyalari mijozlari hayotida muhim o‘rin tutadi va uning mashhurligi tobora ortib bormoqda. Beeline Uzbekistan tarmog‘ida video xizmatlarning umumiy trafikdagi ulushi 70,6 foizga yetdi. Videokontentga ortib borayotgan qiziqishga javoban operator filmlar, seriallar va telekanallarni taqdim etuvchi KINOM hamda yirik xalqaro musobaqalarni namoyish etadigan Setanta Spors xizmatlari orqali ko‘ngilochar ekotizimni rivojlantirmoqda.

— Biz video xizmatlar segmentini rivojlantirishni davom ettiramiz. "Eng sifatli mobil video" nominatsiyasidagi g‘alabamiz munosabati bilan narxni oshirmagan holda YouTube uchun qo‘shimcha trafikka ega yangilangan internet-paketlarni joriy etmoqdamiz. Sifatli videokontent har bir foydalanuvchi uchun yanada hamyonbop bo‘ladi, - dedi Beeline Uzbekistan bosh direktori Andrey Pyataxin.

— Beeline Uzbekistan’ni 2025 yilning birinchi yarmida O‘zbekistondagi eng sifatli mobil video uchun Ookla® Speedtest AwardTM mukofotini olgani bilan tabriklaymiz. Beeline Uzbekistan ilk bor ushbu mukofotni 2022 yilning birinchi yarmida qo‘lga kiritgan edi. Takroriy e’tirof Beeline Uzbekistan’ning o‘z mijozlariga yuqori sifatli video tajribasini taqdim etishga sodiqligini aks ettiradi, - dedi  "Ziff Davis" tarkibidagi "Ookla" kompaniyasi prezidenti va bosh ijrochi direktori Stiven Bey.

Ookla haqida

Aloqa tahlili bo‘yicha global yetakchi hisoblangan Ookla o‘zining ishonchli brendlari — Speedtest®, Downdetector®, Ekahau® va RootMetrics® tajribasini birlashtirib, tarmoq va aloqa bo‘yicha tengsiz ma’lumotlarni taqdim etadi. Ko‘p manbali ma’lumotlarni sohadagi yetakchi tajriba bilan uyg‘unlashtirib, biz tarmoq ishlash ko‘rsatkichlarini strategik va amaliy tushunchalarga aylantiramiz.

Beeline Uzbekistan haqida

Beeline Uzbekistan ("Unitel" MChJ) 2006 yil 12 sentabrdan boshlab ushbu savdo belgisi ostida raqamli operator sifatida faoliyat yuritib kelmoqda. Kompaniya mamlakatdagi yirik soliq to‘lovchilardan biri bo‘lib, O‘zbekistondagi faoliyati davomida taxminan 2,1 milliard AQSh dollari miqdorida soliq to‘lagan. 2 000 dan ortiq xodimga ega Beeline Uzbekistan Top Employer 2024 va 2025 sertifikatiga sazovor bo‘lgan.

Beeline Uzbekistan VEON Group tarkibiga kiradi. VEON 2006 yildan buyon O‘zbekiston telekommunikatsiya sohasiga 1,6 mlrd AQSh dollaridan ortiq sarmoya kiritgan.

VEON — 150 milliondan ortiq aloqa xizmati mijozlari va taxminan 120 million oylik faol raqamli foydalanuvchilarga xizmat ko‘rsatadigan raqamli operatordir. Kompaniya dunyo aholisining 6% dan ortig‘i istiqomat qiladigan 5 mamlakatda faoliyat yuritadi va texnologiyalarga asoslangan xizmatlari orqali insonlarning hayotini o‘zgartirib, iqtisodiy o‘sishga hissa qo‘shmoqda. VEON bosh qarorgohi Dubayda joylashgan bo‘lib, aksiyalari NASDAQ birjasida sotiladi. Batafsil ma’lumot www.veon.com.

Beeline.uz | Facebook | Instagram | Telegram | Twitter |LinkedIn