Toshkentda «Avtomobilsiz kun» tadbiri o‘tkaziladi

Ba’zi hududlarda shaxsiy avtomobilda harakatlanishni kamaytirish, jamoat transportidan va velosipeddan foydalanish hamda piyoda yurish afzalliklari targ‘ib etiladi.

Foto: IIV axborot xizmati

28 aprel kuni Toshkentda «Avtomobilsiz kun» tadbiri o‘tkaziladi. Bu haqda shahar hokimligi xabar berdi.

Qayd etilishicha, tadbirning ahamiyati – bir tomondan insonlar o‘rtasida sog‘lom turmush tarzini targ‘ib qilish bo‘lsa, ikkinchi tomondan atrof muhitda barqarorlikni saqlash, tabiatga zaharli gazlar chiqishini imkon qadar kamaytirish.

«Avtomobilsiz kun» tadbiri Toshkent shahrining ba’zi hududlarida o‘tkaziladi. Uning doirasida shaxsiy avtomobillarda harakatlanishni kamaytirish, aholi orasida jamoat transportidan va velosipeddan foydalanishning hamda piyoda yurishning afzalliklarini targ‘ib etishga qaratilgan ko‘plab tadbirlar tashkil etiladi.

#ekologiya #Toshkent shahri #Avtomobilsiz kun