YeI Kiyevga yana 1,5 mlrd yevro miqdorida makromoliyaviy yordam taqdim etdi

Yevrokomissiya raisi Ursula fon der Lyayyen Ukrainaga YeIning yillik makromoliyaviy yordam paketi doirasida yana 1,5 milliard yevro ajratilishini e’lon qildi.

Foto: AP

«Biz Ukrainaga Rossiya tajovuzkorligiga qarshi turishda, uning institutlari va infratuzilmasini saqlab qolishda, muhim islohotlarni amalga oshirishda yordam berishda davom etamiz», deb yozdi u Twitter’da.

Bundan oldin Yevropa komissiyasi (YeK) va Ukraina 2023 yilda Kiyevga 18 milliard yevrogacha kredit berishni nazarda tutuvchi memorandumni imzolagandi.

Financial Times gazetasining xabar berishicha, 2023 yilda Ukraina xalqaro hamkorlaridan 38 milliard dollar (oyiga taxminan 3,5 milliard dollar) budjet yordami olishni kutmoqda.

Ukraina prezidenti Volodimir Zelenskiy harbiy harakatlar tugaganidan keyin mamlakatni tiklash uchun 1 trillion dollardan ko‘proq mablag‘ kerak bo‘lishini aytdi.