Jahon | 14:51 / 27.04.2023
19442
4 daqiqa o‘qiladi

Avdiyivkada qutqarilayotgan otlar va Ukraina shaharlaridagi vayrongarchiliklar. Urush suratlari

Ukrainada urushning 427-kuni o‘tdi. Asosiy ma’lumotlar:

  • Si Jinping va Volodimir Zelenskiy telefon orqali muloqot qildi — bu ular Rossiyaning Ukrainaga keng ko‘lamli bosqini boshidan buyon birinchi bor gaplashishi bo‘ldi. Zelenskiyning hisoblashicha, muzokaralar mamlakatlar o‘rtasidagi «ikki tomonlama munosabatlar rivoji uchun katta turtki» bo‘ladi. XXR TIVdagilar ma’lum qilishicha, Xitoy «urushni imkon qadar tezroq tugatish uchun o‘z hissasini qo‘shadi».
  • Peterburgda «harbiy komissariatga kelmaganlik» uchun qo‘llanadigan cheklov choralari to‘g‘risidagi shtamplar aks etgan chaqiruv qog‘ozlari tarqatila boshlandi.
  • Chexiya patriarx Kirillga qarshi sanksiya qo‘llab, Rus pravoslav cherkovi rahbari «zulmni oqlash uchun e’tiqodni suiiste’mol qilgani»ni bildirdi.
  • Federatsiya kengashi davlatga xiyonat uchun umrbod ozodlikdan mahrum etish to‘g‘risidagi qonunni ma’qulladi.
  • Xerson oblastida ukrainalik jurnalist Bogdan Bitik halok bo‘ldi. U hamrohlik qilgan La Repubblica muxbiri Korrado Zunino esa tan jarohati olgan. Jurnalistlar Antonov ko‘prigi yaqinida rossiyalik merganlar pistirmasiga duch kelishgan, ularning ustida «Pressa» yozuvi tushirilgan zirhli nimchalar bo‘lgan.
  • Ukraina yana 44 odamini asirlikdan qaytardi, ular orasida tinch aholi vakillari bo‘lgan ikki kishi, shuningdek Mariupolda, Xerson oblastida va «Azovstal»da jang qilganlar bor. Rossiya mudofaa vazirligi esa 40 harbiy asirlikdan qaytarilgani haqida xabar bergan.

Kun kadri. Baxmut

Baxmut uzra ko‘tarilgan tutun. «Vagner» XHK rahbari Yevgeniy Prigojin «Ukraina qurolli kuchlari qurshovga tushgani haqida gapirish to‘g‘ri emasligi»ni ta’kidlamoqda: uning ma’lumotiga ko‘ra, shahar g‘arbida hamon Ukraina armiyasi o‘z zaxira kuchlarini olib kelishi mumkin bo‘lgan yo‘llar qolmoqda. Ukraina QK bosh shtabi o‘zining so‘nggi svodkasida Baxmutdagi vaziyat haqida aniq ma’lumotlarni keltirmagan, faqat ukrain qo‘shini raqib hujumlarini qaytarayotgani takrorlangan.
Libkos / AP / Scanpix / LETA

Baxmutdagi ukrain askarlari

Ukrainalik harbiy dronni boshqarmoqda
Libkos / AP / Scanpix / LETA
Libkos / AP / Scanpix / LETA
Libkos / AP / Scanpix / LETA
Zambarakdan o‘t ochishga hozirlik ko‘rayotgan ukrain askarlari
Libkos / AP / Scanpix / LETA
Ukraina QK jangchilari Baxmut atrofida zirhli transportyorda (BTR) harakatlanmoqda
Libkos / AP / Scanpix / LETA

Ukrainaning turli hududlaridagi vayrongarchiliklar

Donetskka zarba oqibatlari 

Donetskda ukrain raketalaridan biri kelib tushgan uy xarobalarida turgan ayol. Anneksiya qilingan «DXR» hukumatiga ko‘ra, 26 aprelning o‘ztida Ukraina QK shaharga 15 ta snaryad uchirgan. Qurbonlar va jabrlanganlar haqida ma’lumot berilmagan.
Anadolu Agency / ABACAPRESS / ddp images / Vida Press
Anadolu Agency / ABACAPRESS / ddp images / Vida Press

Donbassda otlarning qutqarilishi 

Ukrain harbiylari va ko‘ngillilar Avdiyivkadagi tashlandiq ot fermasidagi jonivorlarni evakuatsiya qilmoqda. Ukrainaning Tavr yo‘nalishi mudofaa kuchlarining 24 aprel kungi ma’lumotiga ko‘ra, Rossiya qo‘shinlari anneksiya qilingan Donetskdan shimoldagi Avdiyivka shahri hududiga shturm uchun tanklar brigadasini yo‘naltirgan. RF bu ma’lumotni izohlamagan.
Libkos / AP / Scanpix / LETA
Libkos / AP / Scanpix / LETA
Libkos / AP / Scanpix / LETA
Азиз Қаршиев
Muallif Азиз Қаршиев
Kun.uz yangiliklarini Google News'da kuzating
+ Obuna bo'lish

Mavzuga oid