O‘zbekistonda Afg‘onistonda giyohvand moddalar bilan bog‘liq vaziyat monitoringi bo‘yicha markaz ochiladi

Suhbat chog‘ida O‘zbekiston va BMT NJB o‘rtasidagi hamkorlikning hozirgi holati va mustahkamlash istiqbollari muhokama qilindi. Jan-Lyuk Lemayyo O‘zbekiston hukumatiga giyohvand moddalar tarqalishiga qarshi kurashish bo‘yicha sa’y-harakatlarni, xususan, Afg‘oniston va qo‘shni mamlakatlarda giyohvand moddalar bilan bog‘liq vaziyatni monitoring qilish bo‘yicha tadqiqot markazini tashkil etish tashabbusini qo‘llab-quvvatlagani uchun chuqur minnatdorlik bildirdi. U markazning ochilish marosimida ishtirok etish uchun 4-5 may kunlari O‘zbekistonga tashrif buyurishni rejalashtirayotgani haqida ham ma’lum qildi.

Markazni tashkil etish to‘g‘risidagi kelishuv 2021 yil 24 noyabrdagi O‘zbekiston prezidentining BMT NJB ijrochi direktori Gada Fatxi Vali bilan uchrashuvi davomida erishilgan va 2022-2025 yillarga mo‘ljallangan O‘zbekiston va BMT NJB o‘rtasidagi ko‘p qirrali hamkorlikni yanada rivojlantirish bo‘yicha «yo‘l xaritasi»ga kiritilgan.

Uchrashuvda mintaqaviy va xalqaro kun tartibidagi masalalar, xususan, Afg‘onistondagi vaziyat bilan bog‘liq masalalar muhokama qilindi.

Tomonlar ko‘p tomonlama xalqaro hamkorlik transmilliy jinoyatchilik, narkotik moddalarning noqonuniy aylanishi va giyohvand moddalarni iste’mol qilishga qarshi kurashda samarali xalqaro javob choralarini muvofiqlashtirishning kaliti ekanligini ta’kidladilar.