Chimyondagi tog‘larda adashib qolgan ikki kishi qutqarildi

Yo‘ldan adashgan fuqarolar Katta Chimyon tog‘ining dengiz sathidan 2800 metr balandlikdagi Oqsoy hududidan topilgan.

Videodan kadr

Joriy yilning 6 may kuni soat 12:09 da Toshkent viloyati FVBga ikki nafar fuqaro Chimyon tog‘lariga dam olish maqsadida chiqib, adashib qolganligi to‘g‘risida xabar kelib tushgan.

Zudlik bilan aytilgan manzilga FVVning Chimyon yong‘in-qutqaruv otryadi qutqaruvchilari yetib borib, qidiruv-qutqaruv ishlarini olib borgan.

Amalga oshirilgan tezkor harakatlar natijasida yo‘ldan adashgan fuqarolar Katta Chimyon tog‘ining dengiz sathidan 2800 metr balandlikdagi Oqsoy hududidan topilib, maxsus asbob-anjomlar yordamida sog‘-salomat olib tushildi.

Hodisa oqibatida tan jarohati olgan va halok bo‘lganlar yo‘q.