Ukraina, Turkiya va Rossiya “g‘alla bitimi”ni uzaytirishga kelishib oldi

Ukraina donini eksport qilish bo‘yicha Qora dengiz kelishuvi qayta ochildi, uning amal qilish muddati yana ikki oyga - 18 iyulgacha uzaytirildi. Bu haqda 17 may, chorshanba kuni Ukraina, Turkiya va Rossiya vakillari ma’lum qildi. "Shartnoma bo‘yicha hamkorlarimiz - Turkiya va BMTning sa’y-harakatlari tufayli dunyo Ukraina mahsulotlarini olishda davom etadi. Biz sheriklarga ularning buzilmas va maqsadli pozitsiyasi uchun minnatdormiz, ya’ni shartnoma kelajakda ishlashi kerak, u barcha tomonlar tomonidan imzolangan ", dedi Ukraina infratuzilma vaziri Oleksandr Kubrakov.

Kelishuv uzaytirilgani haqida birinchi bo‘lib Turkiya prezidenti Rajab Toyyib Erdo‘g‘an ma’lum qilgan bo‘lsa, keyin bu ma’lumotni Rossiya TIV vakili Mariya Zaxarova tasdiqladi. Erdo‘g‘anning aytishicha, endi g‘alla avvalroq kelishilgan Chernomorsk, Odessa va Yujniydan emas, balki Mikolayivdan ham eksport qilinadi. Ukraina bir necha oydan beri Mikolayivni Qora dengiz tashabbusiga qo‘shishni talab qilmoqda.

Shu bilan birga, Kiyev tashabbusning samarali ishlashini ta’minlashga chaqirib, "Rossiya bir necha oydan beri ketma-ket yaratayotgan" muammolarni ko‘rsatdi. Aleksandr Kubrakov aprel oyining o‘rtalaridan boshlab Rossiya Federatsiyasi tashabbus ishini cheklay boshlaganini, may oyidan esa Ukraina portlariga yuklash uchun ketayotgan kemalarni ro‘yxatga olish va tekshiruvdan o‘tkazishdan bosh tortib, amalda uni to‘sib qo‘yganini eslatdi. “Hozirda Turkiya hududiy suvlarida 70 ga yaqin kemalar kutib turibdi, ularning 90 foizi dunyoni fermerlarimiz mahsuloti bilan ta’minlashga tayyor kemalar”, — dedi Ukraina infratuzilma vaziri.

O‘z navbatida, Rossiya TIV kelishuvni amalga oshirishdagi “buzilishlar”ni e’lon qildi, ular “imkon qadar tezroq tuzatilishi kerak”.