11:26 / 09.06.2023
12733

Parkentda gaz quyish shoxobchasida turgan «Nexia» portlab ketdi

«Nexia-1» avtomobili va uning yaqinida bo‘lgan 2 ta «Damas» rusumli avtomashinalarga turli darajada zarar yetgan 

Bugun, 9 iyun kuni soat 09:55 da Toshkent viloyati Parkent tumani «Qayilma» MFY, Alisher Navoiy shohko‘chasida joylashgan avtomobillarga gaz quyish shoxobchalarining birida portlash sodir bo‘ldi.

Favqulodda vaziyatlar vazirligi xabariga ko‘ra, «Nexia-1» rusumli avtomashinaga gaz quyish vaqtida unga o‘rnatilgan gazballonda yorilish hodisasi ro‘y bergan. 

Oqibatda, «Nexia-1» avtomobili va uning yaqinida bo‘lgan 2 ta «Damas» rusumli avtomashinalarga turli darajada zarar yetgan. 

Voqea joyiga FVV qutqaruvchilari va tegishli tashkilot vakillari yetib borgan. Vaziyat oqibatlari bartaraf etilmoqda. 

Hodisa oqibatida tan jarohati olgan va halok bo‘lganlar yo‘q.

Top