Toshkentning 3 tumanidagi ayrim joylarda elektr ta’minoti vaqtincha to‘xtatildi

Ta’mirlash ishlari tufayli Mirobod, Yashnobod va Yunusobod tumanlarining ayrim joylarida elektr ta’minoti vaqtincha to‘xtatildi.

Foto: Kun.uz

Elektr tarmoqlarida sodir bo‘lishi mumkin bo‘lgan avariya holatlari oldini olish maqsadida bugun, 10 iyun kuni qator manzillarda elektr ta’minoti vaqtincha to‘xtatildi.

Ular:

Mirobod tumanining Moshtabib, Nukus, Said Baraka, Amir Temur va Turkiston ko‘chalarida soat 10:00 dan 17:00 gacha;
Yashnobod tumanining Chashma, Ilg‘or shoh, Ohangrabo, «Mirishkor» MFYning Darxon, Ilg‘or shohko‘chalari hududida soat 10:00 dan 17:00 gacha;
Yunusobod tumanining Usta Shirin, Akmal Po‘lat va Mirtemir ko‘chalari hududida soat 09:00 dan 17:00 gacha.

«Hududiy elektr tarmoqlari» Toshkent shahar filiali ta’mirlash ishlari tufayli elektr energiyasi ta’minotidagi vaqtincha uzilishlar sababli yetkazilayotgan noqulayliklar uchun iste’molchilardan uzr so‘ragan.