Front yaqinida ta’mirlanayotgan Leopard va Donbass shimolidagi janglar. Urush suratlari

Ukrainada urushning 483-kuni o‘tdi. Asosiy ma’lumotlar:

RF Konstitutsiyaviy sudi armiyani «obro‘sizlantirish» to‘g‘risidagi moddani Konstitutsiyaga zid emas deb topdi va uni bekor qilmadi.
YeI mamlakatlari maxsus vakillari Rossiyaga qarshi sanksiyalarning 11-paketi bo‘yicha kelishib oldi. U avvalroq kiritilgan sanksiyalarni aylanib o‘tishga qarshi qaratilgan.
Zelenskiy qarshi hujum «istalganidan ko‘ra sekinroq» ketayotgani, ammo bu «hollivudcha film emasligi»ni aytdi.
Ikkita dron Moskva oblastidagi harbiy qism omborlari yaqinida quladi. Yana bir dron qoldiqlari Novaya Moskva hududida topilgan.
RF Tergov qo‘mitasi urushga qarshi faollardan biri Anatoliy Berezikovning maxsus hibsxonadagi o‘limidan so‘ng o‘z joniga qasd qilishgacha olib borganlik moddasi bo‘yicha jinoiy ish qo‘zg‘adi.

Zaporijjya oblastida Leopard 2 tanklari

2023 yil boshida G‘arbning qator davlatlari, jumladan AQSh, Polsha, Germaniya va Buyuk Britaniya Ukraina qurolli kuchlariga tanklar yetkazib berishga rozilik bildirdi. Bahorda ushbu davlatlar Ukrainaga dastlabki Leopard 2 tanklarini yuborishdi.

Iyun oyi o‘rtalarida RF mudofaa vazirligi kamida yettita Leopard tanki yo‘q qilingani haqida ma’lumot berdi. Oryx harbiy-tahliliy loyihasi Ukraina qurolli kuchlari nemislar tomonidan ishlab chiqarilgan tanklardan sakkiztasini yo‘qotganini tasdiqlagan — shundan faqat ikkitasi yo‘q qilingan (qolgani yoki shikastlangan, yoki jang maydonida qoldirilgan). Quyida ukrain harbiylari front chizig‘i yaqinida Leopard 2 tankini ta’mirlayotgani aks etgan suratlar.