Yangiyo‘lda 15 gektar g‘alladan bo‘shagan yer maydoni yonib ketdi

Yangiyo‘l tumanida g‘alladan bo‘shagan yer maydonida yirik yong‘in sodir bo‘ldi.

Bugun, 23 iyun kuni soat 11:33 da Toshkent viloyati Yangiyo‘l tumani «Said ota» MFY hududidagi yo‘l yoqasida taxminan 15 gektar g‘alladan bo‘shagan yer maydonda yong‘in sodir bo‘lgan.

Shunga ko‘ra 2 ta yong‘in-qutqaruv ekipaji soat 11:56 da voqea joyiga yetib borib, yong‘in soat 13:10 da o‘rab olingan va 14:10 da o‘chirilgan.

Hodisa oqibatida tan jarohati olgan va halok bo‘lganlar yo‘q.

Favqulodda vaziyatlar vazirligi barcha dehqonlar, fermerlar va fuqarolardan g‘alladan bo‘shagan yer maydonlarini yong‘indan saqlash ishiga mas’uliyat bilan qarashni so‘ragan.