Ukraina parlamenti mamlakatning davlat qarzini cheklamoqchi

Ukraina Oliy Radasi mamlakatning davlat qarzini cheklovchi qonun loyihasiga birinchi o‘qishda ovoz berdi. Bu haqda 29 iyun, payshanba kuni o‘ng markazchi «Yevropa birdamligi» partiyasidan deputat Irina Gerashchenko ma’lum qildi. Hujjatni 233 nafar parlamentariy, jumladan, hukmron «Xalq xizmatchisi» partiyasi, shuningdek, «Hayot va ovoz uchun» muxolifat platformasi vakillari qo‘llab-quvvatladi.

Gerashchenko qonun loyihasining hozirgi tahriridan xavotir bildirdi va uni konstitutsiyaga zid deb atadi. Hujjat Ukraina parlamentining budjetga o‘zgartirishlar kiritish huquqini cheklaydi va Radaning bir qator vakolatlarini Moliya vazirligiga o‘tkazadi, deya tushuntirdi u. Shu bilan birga, deputatlar o‘z chiqishlarida parlamentning nazorat rolini kuchaytirish va ayrim masalalarni hukumatga qaytarish, Radadan vakolatlarni tortib olmaslik zarurligini ta’kidladi, deya qo‘shimcha qildi deputat.

Ukraina ijtimoiy soha uchun kreditlar, grantlar va qarzlarga, ish haqi va pensiyalarni to‘lashga jiddiy bog‘liq, deb ta’kidladi u. Qarz barqarorligini mustahkamlash g‘oyasi to‘g‘ri, ammo «bu sohadagi tushunarsizlik budjet kollapsiga olib kelishi mumkin», dedi Gerashchenko.