Vengriya: YeKda Ukrainaga 50 milliard yevro ajratish imkoniyati yo‘q

Uning so‘zlariga ko‘ra, Yevrokomissiya Yevropa Ittifoqi budjetiga tuzatishlar tayyorlagan, biroq ularning qabul qilinishiga «imkoniyat yo‘q».

Bosh vazirning tushuntirishicha, ushbu tuzatishlarni amalga oshirish uchun YeIning barcha 27 davlati yetti yillik budjetni to‘ldirishi zarur, biroq so‘nggi bir yarim yil ichida YeI a’zolari bu maqsad uchun 70 milliard yevro ajratgan.

«Pullar qayerga ketganini bilmaymiz. Ularni kim nazorat qilishi va bu mablag‘lar nimaga sarflanishi ham noma’lum», — dedi Orban.

Uning qo‘shimcha qilishicha, «muhojirlarning Yevropaga kelishini osonlashtirish uchun» yana katta summa so‘raladi, ammo bu ham «mutlaqo bema’nilik». Yevrokomissiya pullar qayerga ketgani va ikki-uch yil ichida Yevropa Ittifoqi bankrot bo‘lish xavfi ostida qolgani uchun kim javobgar ekanligini ma’lum qilishi kerak, deya ta’kidladi Vengriya hukumati rahbari.

Ayni paytda, Ukraina moliya vaziri Sergey Marchenko Yevropa Ittifoqi Ukrainaga va’da qilgan 50 milliard yevro yetarli bo‘lmasligini aytdi.