O‘zbekiston va Ozarboyjon tashqi ishlar vazirlari ikki tomonlama hamkorlik masalasini muhokama qildi

Boku shahrida bo‘lib o‘tgan Qo‘shilmaslik harakati Muvofiqlashtiruvchi byurosining vazirlar yig‘ilishi doirasida O‘zbekiston tashqi ishlar vaziri Baxtiyor Saidov Ozarboyjon tashqi ishlar vaziri Jayhun Bayramov bilan muzokaralar o‘tkazdi.

Foto: TIV axborot xizmati

TIV ma’lumotiga ko‘ra, tashqi siyosat idoralari rahbarlari O‘zbekiston–Ozarboyjon strategik sherikligini mustahkamlash yo‘llarini muhokama qildilar.

Tomonlar O‘zbekiston va Ozarboyjon prezidentlarining sa’y-harakatlari natijasida ikki tomonlama hamkorlik iqtisodiyotdan tortib xalq diplomatiyasigacha bo‘lgan barcha sohalarda jadal rivojlanayotganini alohida ta’kidladi.