O‘zbekiston avtomobil bozorida iyun oyida pasayish kuzatildi. Bu haqda Iqtisodiy tadqiqotlar va islohotlar markazi tomonidan o‘tkazilgan o‘rganishlarda ma’lum bo‘ldi.
Ma’lum qilinishicha, yil boshidan beri may oyi O‘zbekiston avtomobil bozoridagi eng muvaffaqiyatli oy bo‘lgan, lekin iyun oyida pasayish kuzatildi. Birinchi yarim yillik natijasi 718 ming avtomobildan oshdi. Bu 2022 yilning xuddi shu davriga nisbatan 11 foizga ko‘pdir.
Birlamchi bozorda yengil avtomobillar savdosi bir oy davomida 17,5 foizga kamaydi. Shu bilan birga, 2022 yil iyun oyiga nisbatan birlamchi bozorda 8,4 foiz o‘sish qayd etildi.
Iyun oyida yengil avtomobillarning ikkilamchi avtomobil bozori ham sotuvlarning pasayishi bilan ajralib turdi. Oy davomida deyarli 83 mingta yengil avtomobillar sotilgan, bu may oyiga nisbatan 23 foizga kam.
Iyun oyida sotilgan avtomobillar soni 123 mingtani tashkil etib, may oyiga nisbatan 21 foizga sezilarli pasayish va o‘tgan yilning iyun oyiga nisbatan 2,6 foizga o‘sish kuzatildi. Yozning birinchi oyida O‘zbekistonda 110,5 ming dona yengil avtomobillar sotilgan bo‘lib, bir oy davomida 21,6 foizga kamaygan.
2023 yilning 1-yarim yilligi yakunlariga ko‘ra, avtomobillar savdosi 2-chorakdagi 14 foiz o‘sishga nisbatan yillik o‘sish 11 foizga yetib, 718,2 mingta avtomobilni tashkil etdi va savdolar 372 mingtadan oshdi.
