Hindistonda hibsda ushlab turilgan O‘zbekiston fuqarolari vatanga qaytarildi
Ular Hindiston-Nepal chegarasidan noqonuniy o‘tganlikda ayblangan edi.
Hindistonda hibsda ushlab turilgan o‘zbekistonlik 3 nafar ayol Dehlidagi elchixona ko‘magida vatanga qaytarildi. Bu haqda Dunyo xabar berdi.
2022 yilda Hindiston-Nepal chegarasidan noqonuniy o‘tishga uringan o‘zbekistonlik ayollar hibsga olingan, shu yil avgust oyida Arariya shahri sudi ularni mamlakatdan deportatsiya qilish to‘g‘risida qaror chiqargan edi.
Biroq, sud qarori turli byurokratik to‘siqlar va yurisdiksiyaning murakkabligi sababli bajarilmadi. Ayollar esa bir necha oy davomida hibsda saqlandi.
Shundan so‘ng, O‘zbekistonning Dehlidagi elchixonasi ko‘magida ular vatanga qaytarildi.
Diplomatik missiya vatandoshlarni Hindistonga safar qilishdan oldin turli shubhali guruh yoki shaxslarning yolg‘on va’dalariga aldanib qolmaslik, ushbu mamlakatga kirish va unda bo‘lib turish chog‘ida mahalliy qonunchilik talablariga qat’iy rioya qilishga chaqiradi.
Mavzuga oid
18:42 / 04.10.2024
Rossiyada o‘zbek diasporasi yetakchisi noqonuniy migratsiyani tashkil etishda gumon qilinmoqda
23:02 / 03.10.2024
Hindiston Oliy sudi qashshoq oiladan chiqqan talabaning kollejga kirish orzusini ro‘yobga chiqardi
21:04 / 02.10.2024
Hindistonda o‘qituvchilar «maktab farovonligi» uchun o‘quvchini qurbon qilishdi
22:15 / 01.10.2024