Iqtisodiy tadqiqotlar va islohotlar markazi O‘zbekistonda ta’lim tizimi 6 yil davomida rivojlanishi dinamikasini tahlil qildi.
Qayd etilishicha, 2017-2022 yillarda nodavlat maktabgacha ta’lim tashkilotlari soni 1,4 mingtadan 22,8 mingtani tashkil etgan holda, bolalarni maktabgacha ta’lim tashkilotlari bilan qamrov 932 ming nafardan 2,1 mln nafargacha yetkazilgan.
Oxirgi 7 yil ichida umumta’lim maktablarida jami hisobda 2 551 ta rekonstruksiya hamda 2 325 ta mukammal ta’mirlash ishlari amalga oshirildi. Buning natijasida 643 ming nafardan ortiq yangi o‘quvchi o‘rinlari yaratilgan. 2017 yilda yaratilgan o‘quvchi o‘rinlari soni 47 534 nafarni tashkil etgan bo‘lsa, 2022 yilga kelib ushbu ko‘rsatkich 120 719 nafarni tashkil etyapti.
Oliy ta’limda talabalar qamrovi 2017-2022 yillarda mos ravishda 297,7 ming hamda 1 042,1 ming nafarni tashkil etmoqda. Bu oliy ta’lim bilan qamrov 4,3 baravarga o‘sganini bildiradi.
2017-2022 yillar davomida oliy ta’lim muassasalarida doktoranturaga qabul kvotalari ham sezilarli darajada ko‘tarildi. 2017 yilda doktorantura qabul kvotalari 247 nafarni tashkil etgan bo‘lsa, 2022 yilga kelib 2 747 nafarga yetdi.
