Tabiatga yetkazilgan zarar miqdori 3,6 milliard so‘mga teng.
Foto: Kun.uz
2023 yilning dastlabki 6 oyida O‘zbekistonda daraxt va butalarni noqonuniy kesish bilan bog‘liq 2 mingdan ortiq huquqbuzarlik aniqlandi. Bu haqda Ekologiya, atrof-muhitni muhofaza qilish va iqlim o‘zgarishi vazirligi xabar berdi.
Qayd qilinishicha, yetkazilgan zarar miqdori 3,6 milliard so‘mga teng.
Aniqlangan huquqbuzarliklar yuzasidan 7 ta jinoyat ishi va 2055 ta ma’muriy ish qo‘zg‘atilib, umumiy hisobda 1,7 mlrd so‘m zarar undirilgan.
