Toshkent shahri va Toshkent viloyatining ayrim hududlari elektr ta’minotidan qisman uzildi

Bugun, 25 iyul kuni soat 9:27 da Toshkent shahridagi 110 kV L-K-D elektr uzatish tarmog‘ida nosozlik yuzaga kelgan.

Energetika vazirligi xabariga ko‘ra, buning natijasida Toshkent viloyatining O‘rta Chirchiq va Toshkent shahrining Sergeli hamda Yangihayot tumanlari iste’molchilari elektr ta’minotidan qisman uzilgan.

Qayd etilishicha, hozirda ushbu nosozlikni bartaraf etish ishlari olib borilmoqda. 

Nosozlik qisqa vaqt ichida bartaraf etilishi va iste’molchilarning elektr ta’minoti qayta tiklanishi aytilgan.

Vazirlik keltirilgan noqulayliklar uchun iste’molchilardan uzr so‘ragan.