Eronning Qeshm Air aviakompaniyasi Tehrondan Toshkentga muntazam reyslarni yo‘lga qo‘ydi 

9 avgust kuni Eronning Qeshm Air aviakompaniyasi samolyoti Toshkent xalqaro aeroportiga qo‘ndi. 

Uzbekistan Airports xabariga ko‘ra, Tehron - Toshkent yo‘nalishida parvoz qilgan Airbus A320 rusumli samolyot suv arkasi bilan kutib olindi. An’anaga ko‘ra, ilk reys shunday qarshi olinadi. 

Qayd qilinishicha, reyslar haftasiga bir marta — chorshanba kunlari amalga oshirilishi rejalashtirilgan. 

Qeshm Air — shtab-kvartirasi Tehronda joylashgan Eron aviakompaniyasi bo‘lib, 1993 yilda tashkil etilgan hamda mahalliy va xalqaro yo‘lovchi reyslarini, shuningdek, charter reyslarini amalga oshiradi.