Toshkentda KIA mashinasidan 48 o‘ramdagi giyohvand moddalar va apteka narkotiklari topildi 

Tadbir davomida 36 yoshli erkak boshqaruvidagi KIA K-5 rusumli avtomashina to‘xtatilgan. Avtomobil xolislar ishtirokida ko‘zdan kechirilganda, avtoulov salonida 48 dona izolenta o‘ramida oq rangli kukunsimon modda va 20 dona “Regopen” tabletkalari hamda 6 ta “Zardeks” kapsulasi borligi aniqlandi. Gumonlanuvchi yaqin oradagi IIBga olib kelingan.

Suhbat davomida fuqaro ushbu ishni Telegram messenjeri orqali topganini aytgan.

Mazkur holat yuzasidan Sergeli tumani IIO FMB huzuridagi tergov bo‘limi tomonidan Jinoyat kodeksining 273-moddasi 5-qismi (“Giyohvandlik vositalari, ularning analoglari yoki psixotrop moddalarni qonunga xilof ravishda tayyorlash, olish, saqlash va boshqa harakatlar qilish”) bilan jinoyat ishi qo‘zg‘atilgan. 

Gumonlanuvchiga nisbatan qamoq ehtiyot chorasi qo‘llangan. Tergov davom etmoqda.