21−26 avgust kunlari Mirzo Ulug‘bek tumanining ayrim hududlarida issiq suv bo‘lmaydi

IM-2 qozonxonasida olib boriladigan ta’mirlash ishlari munosabati bilan 21−26 avgust kunlari Mirzo Ulug‘bek tumanidagi qator ko‘chalarda issiq suv ta’minoti to‘xtatiladi.

Foto: Veolia Energy Tashkent

Veolia Energy Tashkent kompaniyasi 21−26 avgust kunlari IM-2 qozonxonasida ta’mirlash ishlari olib borilishi sababli issiq suv o‘chirilishini ma’lum qildi.

Isitish mavsumiga tayyorgarlik doirasida zulfinlarni almashtirish, 2-IMning ikkilamchi elektr ta’minoti tizimini tekshirish va sozlash, jihozlarni demontaj qilish va o‘rnatish, shuningdek, qozonxonaga tutash magistral tarmoqlardagi ishlarni amalga oshiradi.

«Ko‘p ishlarni qozonxonani o‘chirmasdan turib amalga oshirish mumkin emas», deyiladi kompaniya xabarida.

Shu sababli Mirzo Ulug‘bek tumanining Qorasuv 1, 2, 3, 4, 6, 2-Bo‘z va Feruza dahalarida, Do‘rmon yo‘li, Mingbuloq, Temur Malik, So‘fizoda, Mirzo Ulug‘bek va Sho‘rtepa ko‘chalarida issiq suv ta’minoti bo‘lmaydi.

Issiq suv ta’minoti 26 avgust kuni tushgacha tiklanishi va’da qilingan.

Tayyorlagan: Азиз Қаршиев

#issiq suv #Mirzo Ulug‘bek tumani