O‘zbekiston prezidentining maxsus vakili va Norvegiyaning Afg‘oniston bo‘yicha maxsus vakili Toshkentda hamkorlik masalalarini muhokama qildi.
Foto: TIV
O‘zbekiston prezidentining Afg‘oniston bo‘yicha maxsus vakili Ismatulla Ergashev Norvegiyaning Afg‘oniston bo‘yicha maxsus vakili Kell-Gunnar Eriksen bilan uchrashdi.
TIV ma’lumotiga ko‘ra, Kell-Gunnar Eriksen O‘zbekistonning Afg‘oniston bo‘yicha mintaqaviy yaxlit pozitsiyasini rivojlantirish, afg‘on xalqiga humanitar yordam ko‘rsatish borasidagi sa’y-harakatlarini yuqori baholadi.
Afg‘oniston milliy iqtisodiyotini tiklash, mintaqaviy o‘zaro bog‘liqlik jarayoniga mamlakatni jalb etish istiqbollari yuzasidan fikr almashildi.
Uchrashuvda Norvegiyaning O‘zbekistondagi elchisi (qarorgohi Oslo shahrida) Jon Mikal Kvistad ham ishtirok etdi.
