Prezident maxsus vakili Germaniya delegatsiyasi bilan Afg‘onistondagi vaziyatni muhokama qildi

O‘zbekiston prezidentining Afg‘oniston bo‘yicha maxsus vakili Ismatulla Ergashev Germaniyaning Bergxof jamg‘armasi Afg‘oniston, Markaziy va Janubi-Sharqiy Osiyo bo‘yicha bo‘limi rahbari Basir Feda boshchiligidagi delegatsiya bilan uchrashdi.

TIV ma’lumotiga ko‘ra, muloqot chog‘ida Afg‘onistondagi mavjud vaziyat, shuningdek, tomonlarning ushbu yo‘nalishdagi o‘zaro hamkorligi muhokama qilindi. Ushbu mamlakatga insonparvarlik yordami ko‘rsatish muhimligi qayd etildi.

Jamg‘arma vakillari O‘zbekistonning Afg‘onistonda uzoq muddatli va barqaror tinchlik o‘rnatishdagi muhim rolini alohida ta’kidladi.

Bundan oldin Ismatulla Ergashev Buyuk Britaniyaning Afg‘oniston bo‘yicha aksilterror kompaniyasi rahbari Bxavik Shah bilan uchrashgandi.