Bugungi kunda Germaniya, Isroil, Yaponiya, Finlandiya, Turkiya, Rossiya, Latviya, Litva, Bolgariya, Polsha kabi davlatlarda tibbiyot, haydovchilik, qurilish, ishlab chiqarish va xizmat ko‘rsatish sohalarida bo‘sh ish o‘rinlari taklif etilmoqda.
Joriy yilning o‘tgan davrida 28 mingdan ziyod o‘zbekistonlik chet davlatlarda manzilli ishlarga joylashtirilgan. Bu haqda Tashqi mehnat migratsiyasi agentligi axborot xizmati rahbari Ortiqxo‘ja Norov ma’lum qildi.
Mehnat migratsiyasi geografiyasini kengaytirish maqsadida 10 ta xorijiy davlatning 74 ta vakolatli tashkilot va salohiyatli ish beruvchilari bilan hamkorlik kelishuvlari imzolandi.
Yil boshidan iqtisodiyoti rivojlangan davlatlar bilan o‘tkazilgan muzokaralar natijasida 100 mingga yaqin bo‘sh ish o‘rni aniqlanib, ulardan 20 mingga yaqin bo‘sh ish o‘rinlariga talabnomalar olingan.
Bugungi kunda Germaniya, Isroil, Yaponiya, Finlandiya, Turkiya, Rossiya, Latviya, Litva, Bolgariya, Polsha kabi davlatlarda tibbiyot, haydovchilik, qurilish, ishlab chiqarish va xizmat ko‘rsatish sohalarida bo‘sh ish o‘rinlari taklif etilmoqda.
Iqtisodiyoti rivojlangan davlatlarda aniqlangan bo‘sh ish o‘rinlari bo‘yicha chet tillari, xususan, nemis, ingliz, ivrit va yapon tillarini biladigan va kasbiy malakaga ega bo‘lgan fuqarolar murojaat qilishi mumkin.
