Ayollar rahbarligidagi eng ko‘p kichik korxonalar soni qaysi hududda ekani ma’lum qilindi

Ayollar rahbarlik qilayotgan kichik korxona va mikrofirmalar eng ko‘p bo‘lgan hududlar to‘g‘risida ma’lumot berildi.

Statistika agentligining ma’lumotlariga ko‘ra, 2022 yilda hududlar kesimida ayollar rahbarlik qilayotgan eng ko‘p kichik tadbirkorlik sub’yektlari soni bo‘yicha Toshkent shahri yetakchilik qilgan – 10 906 ta.

Undan keyingi o‘rinlardan ayollar rahbarlik qilayotgan kichik tadbirkorlik sub’yektlari soni mos ravishda 4 995 ta hamda 3 289 ta bo‘lgan Toshkent viloyati va Samarqand viloyati joy oldi.

Shuningdek, yetakchilar qatorida Qoraqalpog‘iston Respublikasi va Xorazm viloyati qayd etilgan, mos ravishda 2 593 ta hamda 2 363 ta sub’yekt.