Moskva ushbu davlatlarning bunday uchrashuvlar o‘tkazish huquqiga ega ekanini tan oladi.
Rossiya prezidenti matbuot kotibi Dmitriy Peskov Amerika yetakchisi Jozef Baydenning Markaziy Osiyo davlatlari rahbarlari bilan uchrashuvini izohladi.
Jurnalistlar Kreml tomonidan forum kuzatib borildimi degan savolni berishdi. Bunga javoban Peskov Osiyo mamlakatlari AQSh bilan o‘z munosabatlariga ega, shuning uchun ular bunday uchrashuvlar o‘tkazish huquqiga ega ekanini ta’kidladi.
Putin matbuot kotibining so‘zlariga ko‘ra, Moskva uchun asosiysi Rossiya Federatsiyasi uchun muhim bo‘lgan ushbu davlatlar bilan muloqotni davom ettirishdir.
S5+1 formati (Markaziy Osiyo davlatlari va AQSh) 2015 yilda yaratilgan va tashqi ishlar vazirlari va ekspertlar darajasida o‘tkazilgan. 2023 yilda Nyu-Yorkda BMT Bosh Assambleyasining 78-sessiyasi doirasida birinchi marta davlat rahbarlari darajasidagi uchrashuv bo‘lib o‘tdi. Unda AQSh prezidenti Jozef Bayden, Qozog‘iston prezidenti Qosim-Jo‘mart To‘qayev, Qirg‘iziston prezidenti Sadir Japarov, Tojikiston prezidenti Emomali Rahmon, Turkmaniston prezidenti Serdar Berdimuhamedov va O‘zbekiston prezidenti Shavkat Mirziyoyev ishtirok etdi.
