O‘zbekistonda Koreya bilan hamkorlikda issiqxona gazlarini kamaytirishga qaratilgan loyiha boshlandi

10 yil davomida amalga oshiriladigan loyiha doirasida zararli va chiqindi gazlari chiqindilari 10,74 ming tonna ekvivalentga kamaytirish rejalashtirilgan.

Seulda Koreya Respublikasi va hamkor davlatlar o‘rtasida issiqxona gazlarini kamaytirishga qaratilgan loyihalarni ishga tushirish marosimi bo‘lib o‘tdi, deb xabar bermoqda «Dunyo».

Koreya Respublikasi savdo vaziri O‘zbekiston va Vetnam hamkor davlatlar sifatida tanlanganini, ular bilan birgalikda pilot loyihalar amalga oshirilishini ta’kidladi. Vazir Janubiy Koreya kompaniyalarining ilg‘or texnologiyalarini joriy etgan holda ushbu loyihalar muvaffaqiyatli amalga oshirilishiga ishonch bildirdi.

Tadbirda, shuningdek, Koreya Iqlim o‘zgarishi instituti prezidenti Shin Yong Von ham ma’ruza qildi. U O‘zbekistonda g‘isht zavodida an’anaviy yoqilg‘idan bio-pelletlarga o‘tish orqali issiqxona gazlari chiqindilarini kamaytirish bo‘yicha 1,6 million dollarlik tajriba loyihasini taqdim etdi. U kompaniya qizilmiya chiqindilaridan asosida bio-pelletlar ishlab chiqarish yo‘lga qo‘yilgani haqida ishtirokchilarga ma’lum qildi. 

10 yil davomida amalga oshiriladigan loyiha doirasida zararli va chiqindi gazlari chiqindilari 10,74 ming tonna ekvivalentga kamaytirish rejalashtirilgan.