Rossiya va O‘zbekiston mehnat migrantlari uchun ijtimoiy kafolatlar bo‘yicha kelishib oladi

Mehnat migrantlariga ijtimoiy kafolatlar bo‘yicha alohida bitim tayyorlanadi.

Foto: RIA Novosti

Rossiya prezidenti Vladimir Putin va O‘zbekiston prezidenti Shavkat Mirziyoyev Rossiyada mehnat qilayotgan o‘zbekistonlik mehnat migrantlari uchun ijtimoiy kafolatlar to‘g‘risidagi bitimni tayyorlashni tezlashtirishga kelishib oldilar. Bu haqda Interfax xabar berdi.

«Muzokaralar chog‘ida biz Rossiyada mehnat qilayotgan fuqarolarimiz uchun ijtimoiy kafolatlarni kuchaytirish masalalariga alohida to‘xtalib, tegishli kelishuvni tayyorlashni tezlashtirishga kelishib oldik», dedi O‘zbekiston prezidenti uchrashuv yakunlari bo‘yicha.