Isroil kemalarini Qizil dengiz hududiga o‘tkazganini ma’lum qildi

Isroil armiyasi kemalarni Qizil dengizga o‘tkazganini e’lon qildi.

«Baholangan vaziyatga ko‘ra va mintaqadagi mudofaa sa’y-harakatlarini kuchaytirish doirasida harbiy-dengiz kuchlarining raketali katerlari Qizil dengiz hududiga yetib bordi», — deyiladi Isroil mudofaa kuchlari (TsAXAL) bayonotida.

Bir kun avval Yamanda Eron tomonidan qo‘llab-quvvatlangan «Ansorulloh» (husiylar) harakati Isroilga uchuvchisiz uchish apparatlari (UUA) va raketalar bilan hujum qilganini bildirgan edi. 

O‘z navbatida, Isroil armiyasi Qizil dengizdan Isroil hududiga otilgan raketani tutib olgani haqida xabar berdi. 

2014 yil sentabridan beri Sana va Yamanning boshqa bir qancha hududlarini nazorat qilib turgan Eron tomonidan qo‘llab-quvvatlangan husiylar ilk bor Isroilga qilingan hujum uchun javobgarlikni o‘z zimmasiga oldi.