Qoʻshimcha funksionallar
-
Tungi ko‘rinish
O‘zbekiston | 12:53 / 11.11.2023
10954
1 daqiqa o‘qiladi
Qamchiq dovonida yuk mashinasi yonib ketdi
Qamchiq dovonida yuk avtomobili yonib ketishi oqibatida deyarli bir soat davomida avtotransportlar harakati to‘xtab qolgan. Hodisa oqibatida hech kim jarohat olmagan.
Foto: Qamchiqavtoyo‘l
Bugun, 11 noyabr kuni Qamchiq dovonida yuk avtomobilida yong‘in yuz berdi.
«Qamchiqavtoyo‘l» xabariga ko‘ra, M-39 yo‘lining Guliston-Bo‘ka-Angren-Qo‘qon va Andijon orqali O‘sh yo‘nalishi 222-kilometrida yuk mashinasi yongan.
Soat 07:55 da ushbu yo‘nalishda avtotransportlar harakati vaqtincha to‘xtatilgan. Yong‘inni o‘chirish ishlari amalga oshirilib, Vodiy-Toshkent yo‘nalishi soat 08:44 da avtotransportlar harakati uchun ochilgan.
Yong‘in oqibatda hech kim jabrlanmagan. Avtomobilda yong‘in nima sababdan ro‘y bergani hozircha noma’lum.
Kun.uz yangiliklarini Google News'da kuzating
+ Obuna bo'lish
