G‘azoda otashkesim qachon boshlanishi ma’lum bo‘ldi

HAMAS va Isroil 22 noyabr tunda vaqtincha o‘t ochish rejimini to‘xtatish borasida kelishuvga erishdi. Kelishuvni har ikki tomon tasdilagan.

Foto: Mohammed Abed/AFP/Getty Images

Vaqtincha sulh kelishuviga ko‘ra, Isroil 4 kun davomida G‘azoni o‘qqa tutishni va quruqlik operatsiyasini to‘xtatadi. HAMAS 7 oktyardagi janglarda asir olgan 50 kishini qo‘yib yuboradi. Evaziga Isroil mamlakat qamoqxonalarida muddat o‘tayotgan 150 falastinlik mahbusni qo‘yib yuboradi.

HAMAS ozod qiladigan asirlar orasida Isroil va boshqa davlat fuqarolari bo‘ladi, lekin harbiylar bo‘lmaydi. Isroil tomoni HAMAS bilan asirlar almashinuvi doirasida ozod qilinishi mumkin bo‘lgan 300 kishining ro‘yxatini e’lon qildi. Ularning 13 nafari yoshi katta ayollar, qolgani yosh yigitlar va erkaklar. Isroil ozod qiladigan falastinliklarning hech biri odam o‘ldirish ayblovi bilan qamalmagan.

Otashkesim 23 noyabr, payshanba kuni mahalliy vaqt bilan soat 10:00 da (Toshkent vaqti bilan soat 13:00 da) boshlanib, roppa-rosa 4 kun davom etadi. HAMAS ozod qiladigan har 10 nafar asir uchun otashkesim yana bir kunga uzaytiriladi.

#Isroil #Hamas

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.