O‘zbek tovarlarining Britaniyaga eksporti hajmi oshiriladi

Londonda O‘zbekiston-Britaniya savdo-iqtisodiy hamkorligini yanada kengaytirish masalalari muhokama qilindi.

Foto: Dunyo

O‘zbekiston elchisi Ravshan Usmonov Buyuk Britaniya Biznes va savdo vazirligi Eksport va savdo departamenti bosh direktori Nayl Makkenzi bilan uchrashdi.

«Dunyo» xabariga ko‘ra, uchrashuv davomida ikki tomonlama savdo-iqtisodiy hamkorlikni yanada jadallashtirishning dolzarb masalalari muhokama qilindi.

Xususan, 28-30 noyabr kunlari London shahrida bo‘lib o‘tishi rejalashtirilgan Savdo va sanoat bo‘yicha O‘zbekiston–Britaniya kengashining navbatdagi yig‘ilishini yuqori darajada tashkil etish va o‘tkazishga kelishib olindi.

Nayl Makkenzi O‘zbekiston–Britaniya savdo-iqtisodiy aloqalarini yanada kengaytirish, ikki tomonlama savdo aylanmasi hajmini oshirishda o‘zaro teng manfaatli hamkorlikni olib borish, o‘zbek tovarlarining Britaniyaga eksportini ilgari surishda hamkorlikka tayyorligini bildirdi.