O‘zbekiston | 11:09 / 05.12.2023
3717
1 daqiqa o‘qiladi

Samarqandda 580 mln so‘mlik tabiiy gazdan noqonuniy foydalangan ohak sexi aniqlandi

Holat Paxtachi tumanida yuz bergan.

Foto: Videodan kadr

Davlat xavfsizlik xizmatining Samarqand viloyati boshqarmasi xodimlari Paxtachi tumanida tabiiy gazdan noqonuniy foydalanib kelgan ohak ishlab chiqarish korxonasini aniqladi.

Ta’kidlanishicha, tumandagi xususiy korxona rahbari texnik shartda ko‘rsatilgan loyihadan tashqari o‘zboshimchalik bilan gaz quvuri o‘tkazib, tabiiy gazdan foydalanish qoidalarini buzgan holda ohak ishlab chiqarib kelgan.

Korxona 387 245 m3 tabiiy gazdan noqonuniy foydalanib davlat manfaatlariga 580 mln so‘mlik zarar yetkazgan, deya xulosa bergan “O‘zenergoinspeksiya”ning Samarqand viloyat bo‘limi.

Holat yuzasidan Jinoyat kodeksining 169-moddasi 4-qismi “a” bandi bilan jinoyat ishi qo‘zg‘atilgan.

Avvalroq Farg‘onada 1 mlrd so‘mlik tabiiy gazdan noqonuniy foydalangan ohak sexi aniqlangani haqida xabar berilgandi.

Mavzuga oid