Qozog‘istonda To‘qayev zarbasidan so‘ng urilgan gol videosi montaj qilindi 

Qozog‘iston prezidenti Qosim-Jo‘mart To‘qayev Aqto‘be viloyatining Sarjansoy qishlog‘idagi sport majmuasiga tashrif buyurdi. 

Tashrif chog‘ida u to‘pga ramziy zarba berib, gol urdi. Shu haqdagi video prezidentning rasmiy telegram kanalida e’lon qilindi. 

E’tibor berilsa, zarbadan oldin to‘p bir rangda, zarbadan keyin darvozaga kirib ketganida boshqa rangda ekani oydinlashadi. 

Avvalroq, To‘qayevning rasmiy fotosuratlari ajinlarni tekislash va baqbaqasini yashirish uchun fotoshopda qayta ishlanishi haqida xabar tarqalgan edi.