O‘zbekiston TIV rahbari va AQSh elchisi kelgusi yilda ham ikki tomonlama munosabatlarning yuqori sur’atini saqlab qolish uchun sa’y-harakatlarni safarbar etishga kelishib oldi.
Foto: Dunyo AA / Anvar Ilyosov
O‘zbekiston tashqi ishlar vaziri Baxtiyor Saidov AQSh elchisi Jonatan Xenik bilan uchrashdi.
"AQShning O‘zbekistondagi elchisi Jonatan Xenik janoblarini qabul qildik", - deb yozdi O‘zbekiston TIV rahbari o‘zining Telegram-kanalida.
"Joriy yil yakuniga yetib borar ekan, biz erishgan yutuqlarimizni sarhisob qilib, yaqin istiqboldagi rejalarni ko‘rib chiqdik", deydi Baxtiyor Saidov.
O‘zbekiston-AQSh munosabatlaridagi yuqori sur’atni kelasi yilda ham davom ettirish uchun sa’y-harakatlarni safarbar etishga kelishib olindi.
Muzokaralar kun tartibi yuqori darajadagi tadbirlar jadvali hamda ayrim global va mintaqaviy mavzularni ham qamrab olgan.
