Avvalroq Iroq hukumati AQSh boshchiligidagi koalitsiya kuchlarining mamlakatda qolishiga barham berilishini ma’lum qilgandi.
AQSh o‘z Qurolli kuchlari kontingentini Iroqdan olib chiqishni rejalashtirmayapti. Bu haqda AQSh Mudofaa vazirligi matbuot kotibi Patrik Rayder ma’lum qildi.
Avvalroq Iroq rasmiylari «AQSh boshchiligidagi koalitsiya kuchlarining mamlakatda bo‘lishiga barham berilishini» ma’lum qilgandi.
«Hozircha men (qo‘shinlarni olib chiqish bo‘yicha) hech qanday rejalar haqida bilmayman», dedi Rayder.
Uning so‘zlariga ko‘ra, Qo‘shma Shtatlar IShID terror tashkilotiga qarshi kurash doirasida yaratilgan Inherent Resolve Operations (CJTF-OIR) guruhiga «alohida e’tibor» berishda davom etmoqda.
Pentagon vakilining qayd etishicha, AQSh harbiylari aynan Iroq hukumatining taklifiga binoan mintaqada joylashgan.
Avvalroq Iroq poytaxti Bag‘dodda AQSh havo hujumi oqibatida shialarning «An-Nujaba» harakati qo‘mondonlaridan biri Abu Taqvo as-Saidiy o‘ldirilgan edi. «An-Nujaba» eronparast «Hashd ash-Shabiy» tashkiloti bilan aloqadorligi ta’kidlanmoqda.
Iroq hukumati hujumda AQSh boshchiligidagi koalitsiyani aybladi.
Iroq bosh vaziri Muhammad Shia as-Sudaniy bu zarbani qoralab, «Hukumat koalitsiya kuchlarini chiqarib yuborish bo‘yicha ikki tomonlama komissiya tuzish jarayonida», degan edi.
